houtpop

die snaakste dinge spoel uit

hier op ons strand spoel daar soms

walvisse en ander dooie seediere uit

hier in een baai lê daar ‘n baie groot band

moet ‘n baie groot werktuig se buiteband wees

behalwe die triljoene skulpe en werwelloses

spoel daar ook soms stukkende klere

baie plastiek houers vanaf skepe

en so gereeld besoedelde goed

dat ons gereeld strande moet

gaan opruim van dinge

vanuit die see eerder

as vanaf die land

so spoel daar

ook eendag

houtpop

uit

marinet

sonder oë

en sonder stem

net met verdwaasde

uitdrukking op sy

gesig wat vra

nee ek weet

nou nie

meer;

wat

het

jy

met

die

skip

gedoen...

©Teárlach