die heuwels dans

onder drommel aarde dreun en brom

yskaste ratel – koppies en pierings raas

prente val van mure af en oral gil bure

dis dan nog donker man – wat gaan aan

aanhoudende getjommel tot my ore tuit

opstaan mense – opstaan – gaan gou uit

hardloop sommer dadelik - vlug rante toe

aarde het gebewe – water spring dalk hoog

sorg dat julle ver en hoog eers gaan staan

voorskokke – naskokke – so gaan dit aan

ons arme huise tuimel en val inmekaar

so dreun aarde en verdwyn soms

onder jou uit – sewe-komma-agt

op richterskaal is nogal erg

hoop boet-en-sus is veilig

daar ver in kiwi-se-land

darem ook onder

Skepper se

hand

©Teárlach