simson van die see

my hart kry seer oor die see

na ure se stormagtige wind

spoel miljoene gesneuwelde

werwelloses op die sand uit

ek sweef oor die waterweë

waar wit perde-koppe gallop

aanjaag na spierwit strande

met swaar drag van skulpe

ek sien en voel jou onrus

o simson van die see-trog

waar jy opgewonde kweel

tussen styg en val van golf

jou hartslag verhaas in my

asemteue van jou soutreuk

maak dat my siel saam reis

in diepe empatie met elegie

©Teárlach