van ‘n wa

die ou wa staan daar onder die grasdak

vir jare al word dit veilig  daar gestoor

netjies skoongemaak en geverf

staan die ou transportwa

die trots van sy baas

maar toe baas

asem uitblaas

word die wa uitgestoot

om plek te maak vir motor

van staal en blik wat blink

vir jare staan wa toe en roes

verweer sy hout met rysmiere

wat gulsig daaraan vreet

toe agterkleinseun kom

is daar net staal ringe

en vrag ysterboute

op ‘n hoop oor

so het ook

my volk

se kultuur

verweer

met

argelose

nuwe wêreld

waardes

wat rysmier

daaraan

tot ‘n

verslaafde

dwelm – ashoop

©Teárlach